كأي ورقة نقدية تحمل قيمة النصف جنيه المصري .. كانت تلك الورقة بألوانها الخضراء الزيتونية وتدرجاتهما
...
تحمل رقم ..9964953 غ/240
ولكنها .. اختلفت عن سائر الأوراق النقدية ...
يوم أن رأيتها .. إزداد بريق عيناي .. كادت عيناي أن تدمع .. ليس فرحا بالتأكيد - الحالة مش متدهوة للدرجادي - ففي حقيبتي عشرات منها ..
ولكن .. ربما دهشة
كتب عليها ...
" للمتفوقيــن فقط "
.. كم جعلتني هذه الكلمة أفكر كثيرا ووقفت عندها
تذكرت أيام تفوقي وزهوها .. تذكرت ثناء أساتذتي وإعجابهم بي وبنشاطاتي وبذكائي ولباقتي .. والآن... نكتفي بذاك التقدير الوضيع في تلك الكلية العظيمة ..
أحسست أنها رسالة لي .. فقد جاءتني في وقتها المناسب
لا أخفيكم سراً لقد كانت سبباً في جعلي أقبل على المذاكرة بشكل أكبر ...
لقد أجبرني ذاك الـ " نص جنيه " أن أفعل ذلك ... حتى أستحق وجوده بين أشيائي
ولكي يكون حقاً كما كتب عليه ... للمتفوقين فقط
الآن كلما أنظر اليه .. أضحك !! حقاً صدق المثل القائل " يوضع سره في أضعف خلقه "
وعلى النقيض ترى ما جنيته من تلك الـ 100 جنيه ... التي وجدتها مصادفة في حقيبة أختي ...
فقد كتب عليها
" ربنا يأخدك يالي أخدتها مني "
عموماً ..
الله يسامحك يا سيدي ... الدعوة مبتلزقش يعني
أتمنى أن تظهر نتيجة وجود - ذلك الـنصف جنيه - في حياتي قريباً ..
14 comments:
بسم الله
اولا احب اشكرك يا ياسمين على المدونه الجميله دى والحقيقه دى اول زياره ليا هنا
عجبنى اوى اسم "منتهى اللماضه !!!" ولو انى مفهمتش يعنى ايه لماضه اصلا ؟؟؟ انما هى اكيد حاجه حلوه يعنى !!!!
عجبتنى طريقه تفكيرك جدااا واتمنى لك كل التوفيق فى الدراسه بتاعتك !!
د. احمد
السلام عليكم
النص جنيه ده مش اللي ادتيه للواد محمود بتاع الناديل
:)
على فكرة ال نص جنيه ده بتاعي وانا اللي مديه لندا......... وخدي بالك لأنه مزور!!!!!1
د. أحمد كرم
أولا : ميرسي جدا لاهتمامك بزيارة مدونتي والتعليق فيها
ثانياً : ليا الشرف طبعا ان مدونتي وكتباتي وتفكيري تنال اعجابك طبعا من بعض ما عندكم يا فندم
..
" واتمنى لك كل التوفيق في الدراسة بتعتك " اقتباس
... ولك المثل يا دكتر
اشكر مرورك الكريم
هههههههههههههه
مين ؟؟
اولا يا جماعة توضيح .. محمود ده ولد عسول اوي صغنون لقيت معاه كيس فشار فالولد لقى عنيا فيه فقال اما يعزمني-
... مركزة معايا اوي انت يا نسرين !!! بلاش احسنلك (:
ayman
اهلا يا دك . بقى كدة تديه لندا وانا لأ .. أهو رجعلي وبقى من نصيبي ..
مزور !! لو كل الفلوس بقت مزورة وهتغير من حالي كدة .. كنت اتمنى انها كلها تكون مزورة ... عملت ايه بالسليم الي بيغير نفوس الناس وبيخليهم يكرهوا بعض ويتلاعبوا على بعض ويمكن توصل انهم يقتلوا بعض
بشكر مرورك يا دكتر ... وربنا يخليلك ندا وتديلها كمان وكمان
جميلةجدا التدوينة دى
انا فاكر برضو استاذ كان ادانى " ربع جنيه مخروم " على مسالة كيميا عضوية
بس اكيد صرفته طبعا
مش فاكر صرفته ليه بصراحة بس اكيد مش عشان انه مخروم :D
nice blog
keeep posting
god bless ur pen
wael
ههههههههههههه ... ربع جنيه مخروم .. بس ياترى ورق ولا معدن ..تفرق ولا إيه ؟؟؟
يظهر ان استاذك كان بخيل اوي
يلا .. احسن من مفيش
ميرسي جدا لمرورك وتعليقك الي ضحكني بجد وأتمنى انها متكنش اخر زيارة ...
انا اول مرة اقتنع ان فيه ناس بترضى بقليله ولا الاخ اللي دعا ع ال100ج عسل باين عليه من محدودى الدخل
طيب مش تعرفني بنفسك يافندم ؟؟
مش من محدودي الدخل بس .. لا ده يظهر انه مطلعها غصب عنه والدموع في عنيه ... بس والله مش ذنبي انها جت في ايدي .. يلا ربنا يعوضه احسن منها
شكرا على مرورك الكريم .. وياريت اتشرف بمعرفة اسم حضرتك
حاجه جميله جدا والله مع ان النص جنيه اليومين دول بيفرق مع ناس كتير .ولا الاخ اللى بيدعى ع ال100جنيه ده باينه من محدودى الدخل كان الله ف عونه
انا فاكرة يوم النص جنيه
بس ياريت تفتكرى انك لاقيته وانتى معايا
:D
مبروووك مقدماً على النتيجة
noha
اه طبعا فاكرة اليوم ده ... انتي اول واحدة ورتها النص جنيه ... اول مرة يحصلي خير بسببك يا نهى ههههههههههه
طبعا مش هشكرك على مرورك او زيارتك .. انتي صاحبة البيت .. تدخلي تعلقي في اي وقت
ادعيلي انزل بالبوست الجديد قريب اصلي في حالة يرثى لها
بسم الله
شكرا كتيييييير يا ياسمين على الموضوع الجميل ده... آآآآآآه فكرتيني بأيام التفوق .. الأيام اللي فيهاكنت بحس اني أقدر أقدم حاجة نافعة ومفيدة ومش بس في الدراسة..والله لما باسترجع ذكرياتي واشوف هدية خدتها زمان بحزن كتير لما أنا عليه الآن .. إدعيلي بالهداية.
Post a Comment